Íslensku tónlistarverðlaunin – skráning

Íslensku tónlistarverðlaunin 2013 hefja sig til flugs

 

  • Skráning er hafin til þátttöku í Íslensku tónlistarverðlaununum 2013

  • Veitt eru verðlaun fyrir tímabilið 16. nóvember 2012 til 15. nóvember 2013

  • Tímafrestur fyrir verk sem komu út fyrir 1. nóvember 2013 er til miðnættis 8. nóvember en skilafrestur á efni sem kemur út eftir 1. nóvember er til 15. nóvember.

  • Verðlaunahátíðin mun fara fram í Eldborgarsal Hörpu þann 14. mars 2014

  • Íslensku tónlistarverðlaunin fagna 20 ára afmæli og því verður hátíðin með einstaklega glæsilegu sniði í ár.

  • Verðlaun verða veitt í alls 27 flokkum að viðbættum Heiðursverðlaunum Íslensku tónlistarverðlaunanna

 

 

Á heimasíðu Íslensku tónlistarverðlaunanna er hafin skráning til þátttöku í Íslensku tónlistarverðlaununum vegna verka ársins 2013. Tilnefningar til verðlaunanna verða kynntar í desember en verðlaunahátíðin sjálf fer fram í Eldborgarsal Hörpu föstudaginn 14. mars 2014. Í ár fagna Tónlistarverðlaunin 20 ára afmæli svo hátíðin verður með einstaklega glæsilegu sniði.

 

Nánari upplýsingar um skráningu til ÍTV 2013

Um er að ræða verk gefin út á tímabilinu 16. nóvember 2012 til 15. nóvember 2013. Verk sem komu út fyrir 1. nóvember í ár þarf að skrá fyrir miðnætti föstudaginn 8. nóvember en verk sem koma út á tímabilinu 1. – 15. nóvember er hægt að skrá til miðnættis 15. nóvember. Jafnframt er mælst til þess að 8 – 10 eintökum af hverju verki verði komið til Íslensku tónlistarverðlaunanna að Rauðagerði 27, 108 Reykjavík.

Skráning er endurgjaldslaus. Verk sem koma út eftir 15. nóvember eru gjaldgeng til þátttöku í Íslensku tónlistarverðlaununum 2014. Í ár verða veitt verðlaun í 27 flokkum að viðbættum Heiðursverðlaunum Íslensku tónlistarverðlaunanna.

Reglur og leiðbeiningar Íslensku tónlistarverðlaunanna er að finna á heimasíðu þeirra. Spurningum og fyrirspurnum varðandi gjaldgengi og fyrirkomulag skal beint til Maríu Rutar, framkvæmdastjóra verðlaunanna, í gegnum netfangið iston@iston.is eða í síma 897 5357. Tæknilega aðstoð við skráningu veitir Anna Ásthildur, annaasthildur@gmail.com, sími 694 9636.

 

ATHUGIÐ að sú breyting hefur orðið á frá í fyrra að tillögum og ábendingum um besta tónlistarmyndbandið skal skilað inn núna en ekki eftir áramót eins og áður var.

Stjórn ÍTV

Stjórn Íslensku tónlistarverðlaunanna er skipuð Eiði Arnarsyni, Róberti Þórhallssyni og Helga Björnssyni auk framkvæmdastjóranum Maríu Rut Reynisdóttur.

 

Íslensku tónlistarverðlaunin eru haldin fyrir tilstuðlan hagsmunafélaga tónlistarinnar undir merkjum Samtóns.

 

Íslensku tónlistarverðlaunin á Facebook: http://www.facebook.com/islenskutonlistarverdlaunin

 

Heimasíða Íslensku tónlistarverðlaunanna: http://www.iston.is/

Skildu eftir svar

Netfang þitt verður ekki birt. Nauðsynlegir reitir eru merktir *