Tectonics – Taka þrjú!

tectonics-isl-harpa-banner-1350u550pxÞriggja daga hátíð Sinfóníuhljómsveitar Íslands með nýrri tónlist undir listrænni stjórn Ilans Volkov verður haldin þriðja sinni. Sérstök áhersla á hátíðinni í ár verður lögð á íslenska tónlist með ný íslensk verk og nýja íslenska hljómsveitartónlist í forgrunni þar sem samstarf ólíkra tónlistarmanna úr ýmsum geirum kristallast. Á hátíðinni hljóma meðal annars verk eftir, Valgeir Sigurðsson, Skúla Sverrisson/Ólöfu Arnalds, Maríu Huld Markan Sigfúsdóttur og Bergrúnu Snæbjörnsdóttur.

tectonics_storTectonics tónlistarhátíðinni sem hleypt var af stokkunum í marsmánuði fyrir tveimur árum hefur hlotið einróma lof innanlands sem utan. Á hátíðinni slást heimamenn í tónlist í för með Sinfóníuhljómsveit Íslands og kynna fjölbreytt verk á nýjan og einstæðan máta. Ýmis rými Hörpu ásamt ólíkum eiginleikum og hljóðvistarlandslagi tónleikasala hússins verða nýtt til hins ýtrasta.

Taka þrjú á Tectonics verður áframhaldandi leiðangur flytjenda og hlustenda um magnaðar hljóðlendur og ómrými Hörpu. Á Tectonics leiða saman hesta sína tónlistarmenn ólíkra heima þar sem óendanlegur fjölbreytileiki tónlistarinnar opnast áheyrendum sem vilja fanga hið óvænta. Ilan Volkov er listrænn stjórnandi Tectonics.

Meiri upplýsingar um hátíðina má finna hér: http://www.tectonicsfestival.com/reykjavik/

Skildu eftir svar

Netfang þitt verður ekki birt. Nauðsynlegir reitir eru merktir *