Leiðbeiningar fyrir tónskáld um bakenda tónskáldasíðna

Til að geta hafist handa þarf fyrst að biðja Tónverkamiðstöð um aðgangsorð og lykilorð að bakenda með því að senda tölvupóst á signy@mic.is.

Farið inn á http://musicdirect.biz/ og veljið „Company – Iceland Music Information Centre“. Setjið inn notendanafn og lykilorð sem þið hafið fengið sent frá Tónverkamiðstöð og smellið á „Login“.

Á myndinni hér fyrir neðan sést dæmi um hvernig Jón Leifs myndi skrá sig inn.

Administrator

Þá opnast kerfið undir flipanum „Products“ sem örin bendir á á myndinni hér fyrir neðan. Þessi flipi sýnir öll verk sem eru skráð á viðkomandi tónskáld.

Window_and_Administrator

Í sömu línu og örin bendir eru aðrir flipar. „Contact Profile“ er til að uppfæra upplýsingar um tónskáldið. „Royalty“ er til að skoða hvaða verk hafa verið seld eftir viðkomandi tónskáld í gegn um sölusíðuna og má þar sjá inneign tónskáldsins. Mögulega gæti tónskáldið átt meira inni, ef um sölu utan sölusíðunnar er að ræða s.s. leigu á hljómsveitarverkum eða sölu á pörtum í kammerverkum. Síðasti flipinn „Existing  Royalty Reports“ sýnir eldri uppgjör við tónskáldið.

Nú skulum við skoða flipann „Contact Profile“, þar sem bleika örin bendir á myndinni hér fyrir neðan. contact

Rauða örin bendir á „Published“ sem þýðir að tónskáldasíðan er birtanleg á sölusíðu miðstöðvarinnar. Þegar það er valið birtist sjálfkrafa síða um tónskáldið með lista yfir öll tónverk eftir viðkomandi tónskáld ásamt þeim upplýsingum sem eru í „Public Comment“, þar sem græna örin bendir. Þar mæli ég með að þið setjið inn ferilsögu.

Bláu örvarnar benda á reiti sem ég mæli með að þið fyllið inn í og hakið við. Til þess að þessar upplýsingar birtist þarf að haka við þær. Síðan væri gott ef þið fylltuð inn í aðrar upplýsingar s.s. bankareikning, heimilisfang, netfang og annað, en hakið ekki við að það sjáist á heimasíðunni, nema þið viljið. Athugið að til að breyta heimilisfanginu þarf að smella á „Addresses“, þar sem appelsínugula örin bendir.

Að lokum þarf að smella á takkann „Save“ þar sem gula örin bendir efst í hægra horninu. Til að skoða ykkar síðu getið þið svo farið inn á http://shop.mic.is/OriginatorDetail/xxxxx þar sem þið setjið tónskáldanúmerið ykkar sem sést í „Contact ID“ reitnum vinstra megin við rauðu örina efst, í stað xxxxx. T.d er Jón Leifs hér http://shop.mic.is/OriginatorDetail/57692