AUGLÝST EFTIR UMSÓKNUM: YRKJA II með MENGI

Tónverkamiðstöð og Mengi kalla nú eftir umsóknum frá tónskáldum um þátttöku í YRKJU með Mengi. Umsóknarfrestur er til miðnættis 1. maí 2016.

logo_net

YRKJA er starfsþróunarverkefni Tónverkamiðstöðvar og veitir tónskáldum sem stödd eru á fyrri hluta starfsferils síns, tækifæri til að vinna með úrvali íslenskra listastofnana.

Markmið Yrkju er að veita hagnýta reynslu sem getur orðið hornsteinn í ferli tónskáldsins. Verkefnið er fyrir tónskáld sem eru á fyrri hluta starfsferilsins. YRKJA undirbýr tónskáld fyrir vinnu í faglegu umhverfi hjá stærri hljómsveitum, hátíðum og öðrum listastofnunum hérlendis og erlendis. YRKJA getur brúað bilið milli háskólanáms og starfsferils en í verkefninu fær tónskáldið tækifæri til að þróa hæfileika sína og listrænan metnað, öðlast starfsreynslu og mynda tengsl í tónlistargeiranum.

Áhersla er lögð á ferli listsköpunar og munu þátttakendur í Yrkju verða hvattir til að þróa hugmyndir sínar og aðferðir við sköpun. Við viljum hlúa að starfsferli tónskáldanna og mun því verkefnið fela í sér ráðgjafaviðtöl í Tónverkamiðstöð um starfsferil tónskáldins og mun miðstöðin skipuleggja fund þar sem tónskáldin í verkefninu hittast og deila reynslu sinni af verkefninu og skiptast á hugmyndum.

Tónverkamiðstöð og Mengi bjóða einu tónskáldi tækifæri til þátttöku.

Á tímabilinu, sem mun spanna um níu mánuði, mun tónskáldið þróa færni sína í að vinna nýtt tónverk frá grunni og vinna að frumflutningi verksins.

Tónskáldið mun vinna nýtt tónverk til flutnings í Mengi undir handleiðslu Skúla Sverrissonar tónlistarmanns og listræns stjórnanda Mengis.

12118623_830932100353096_9065000078325669077_n

Umsóknarfrestur er til miðnættis 1. maí 2016.

ATH! Verkefnið er opið öllum óháð aldri sem hafa að lágmarki lokið grunnnámi í tónsmíðum eða tengdu námi og hafa útskrifast á síðustu 10 árum.

SMELLIÐ HÉR til að fá nánari upplýsingar um umsóknarferli fyrir YRKJU með Mengi